炭火 紫菜包饭 !! 韩国五强之一‧ 巨龙烧肉包饭闯红磡 大

2020-07-22

即叫即包 巨型足料 紫菜包饭 ！

其实位置向大街, 之前向附近保安问路…他答:「直行啦, 做乜最近咁多人问去嗰度?」(韩风真係劲!!)

结果, 晚饭时间全场满坐, 不过门口不用排除, 可以直入. 韩藉老闆还亲力亲会分配位置添.

即叫即包的紫菜包饭, 可惜店员不准我拍摄…SY:「我记得之前同妈妈去观塘自己包过E啲饭嚟食」(嗰日你倒泻晒人哋D饭吖麻…我记得)

等候时间大约15分钟, 两条手臂长的紫菜包饭便正式上枱. 全店有17款紫菜包饭, 我们点了人气No1炭烧猪肉紫菜包饭($68),

双层芝士紫菜包饭($62).

SY:「点解「炭烧猪肉」会少过「双层芝士」一旧嘅??」我答:「係喎..不过人手切, 大细不一, 应该条条都一样长嘅」(细路又会咁心水清嘅?)

人气推介絶非浪得虚名…真心好好食, 烧肉又够香, 配蔬菜丝, 黄萝蔔, 愈食愈开心. 闻说因为食材真‧韩国货, 所以才非街坊价出售喎. (价钱平D, 梗係好D, 不过都接受到嘅)

(小朋友边款好食呀?), SY:「双层芝士…(吓? 你真係唔识食, 你无炭烧猪肉, 得旧餐肉咋喎??), 我话有芝士好食, 唔係我嗰条好食呀!」

我心谂:「无错…应该加第18款, 炭烧猪肉芝士紫菜包饭啦!!」

随紫菜包饭会送上每人一碗味精汤, 不过算有少少心思, 加了蛋花…嫲嫲抢说:「加只蛋, 容乜易吖…个汤十足公仔麵水, 个底仲鬼咁多胡椒粉添」(乜妳仲奄尖过我?)

试完乾身的紫菜包饭, 便来两碗汤年糕, 辣炒芝士年糕泡麵($78), 连吃得辣的阿太也觉辣…如果可以拣BB辣就好啦!!

早知不要贪心玩拉芝, 因为可能店内冷气较大,

汤麵很易放凉, 结果没有混入的芝士, 变了一大堆如煮老了炒蛋.

SY:「爸爸, 唔好畀我食呀! 头先我嗒咗一啖都顶唔顺,

如果要我食, 真係会辣死得架」

年糕饺子汤…($78), SY说:「畀八方云集细咗D, 不过E度有年糕, 好食好多」我:「你唔觉个汤好鹹咩?」

SY说:「我都无要D汤, 但我锺意食偏偏E个年糕, 长长嗰好辣」

今次故事又教训我, 人家一早说是韩国五强紫菜包饭店, 我来点汤麵, 汤年糕….即去Pizza Hut点饭食, 一定不及食Pizza啦.

利申:我係港佬, 爱食港版厚批Pizza!

CHARLES炭火紫菜包饭

地址：红磡必嘉街104号红磡湾中心地下20号舖

电话：5327-6288

营业时间：11am-11pm

大仁生活facebook

上一篇：炭治郎快保护我啊！《鬼灭之刃》推出「我妻善逸」超恶搞吊饰，一
下一篇：炭火烹煮古早味‧糖水清润‧糕点可口